159 estudyante mipasar sa 1st phase Interview sa City Scholarship Program

Mokabat sa 159 ka mga estudyante ang nahimong kwalipikado o mingpasar sa gihimong 1st phase interview sa syudad sa Surigao dili pa lamang dugay, kini ubos sa City Government Scholarship Program. Diin hugot gyod ang suporta nga gihatag ni Mayor Ernesto Matugas niining maong programa.

Samtang karong umaabot nga Mayo 13, 2011 sa may ala-una sa hapon ang gikatakda nga skedyul alang na sa Written Examination ug kini ipahigayon didto sa City Cultural Center ning syudad.

Ang mga mamahimong panelist sa maong programa mao sila ni Mrs. Filomena Matugas ang kapikas ni Mayor Matugas, nga maoy Adviser sa City Scholar, Vice Chairman Mrs. Gloria Gimena lakip usab sila ni Ms. Roselyn Merlin Senior City Tourism Officer ug Mrs. Alicia Espejon sa Parole in Probation office.

Ang mga kadagkuan sa City Government Scholarhip Program nagpahibalo ug nagpahimangno sa mga aplikante nga naka apil sa Interview Activity niadtong miaging Mayo 6, 2011 nga sila makigkita kang Mrs. Emilda Retorta ug Mr. Kim Orquillas ang In-charge sa maong scholarship program, alang sa mga dugang pang kasayuran. (PIO-Surigao City/PIA-Surigao del Norte)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.