Surigao City napili’ng murepresentar sa rehiyon sa nat’l vermiculture contest

Ang Surigao City maoy napili nga mo representar sa Vermi-culture Contest sa entiro Caraga Region ubos na sa pagdumala ni Mayor Ernesto T. Matugas ni’ng dakbayan.

Sumala pa ni Mr. Cris Jubay ang Composting In-charge sa City Agriculture Office kini usa ka nationwide contest diin entiro Pilipinas ang moapil niining maong kalihukan.

Kung kahinumduman nga bag-o hay pa lamang ang maong organic fertilizer Japanese technology nga gi-imbento sa City Agriculture Office mipasar didto sa buhatan sa Bureau of Soils and Water Management sa Diliman Quezon City.

Ug sa umaaabot Hunyo niining tuiga apan wala pay eksakto nga petsa adunay gikatakdang mobisita nga mga evaluators lakip na ang mga hurado aron sa paghukom sa maong pag-estudyo.

Si City Mayor Ernesto Matugas nanghinaot nga unta ang Surigao magmadaugon sa maong pa-contest. (Surigao City-PIO/PIA-Surigao del Norte)

Share: