Briefing sa Eskolaran nan Probinsya ipahigayon

Ang Eskolaran sa probinsya sa Surigao del Norte mopahigayon na usab ug briefing alang niadtong gustong mamahimong scholar sa probinsya. Ang briefing sa mainland gihimo niadtong Mayo 13, 2011 ala-una sa hapon didto sa Provincial Convetion Center ug sa Mayo 24, 2011 ang sa Siargao Island nga pagahimoon didto sa Dapa, Siargao Island, Surigao del Norte.

Ang maong eskolaran o scholarship grant ubos sa programa sa Probinsya sa Surigao del Norte alang niadtong mga top 1 to 5 honor graduates nga anak sa pobre nga gustong mopadayon pagtungha sa kolehiyo.

Ang mga gikinahanglan i-sumitir sa mga gustong moapil niining maong programa mao ang certification gikan sa school principal nga magpamatood nga anaa siya sa top 5 honor graduates, xerox copy sa latest Annual Income Tax Return sa ginikanan o guardian, good moral character certification, report card (Form 138), NCAE result, P200. Exam fee ug kinahanglan mopasar sa written ug oral interview.

Adunay duha ka mga prayoridad nga mga kurso ang pwedeng pagakuhaon sa mga mamahimong eskolar, unang prayoridad mao ang 4 year Bachelor of Science in Secondary Education (BSE), 4 year Bachelor of Elementary Education (BSEED), ug 4 year Bachelor of Teacher Technical Education (BTE) ug ang ikaduhang prayoridad nga kurso mao ang 4 year Bachelor of Science in Information Technology (BSIT), 4 year Bachelor of Science in Industrial Education (BSIE), 4 year Bachelor of Agricultural Technology (BAT), 4 year Bachelor of Science in Agro-Forestry (BSAF) ug 4 year Bachelor of Science in Agro-Fishery.

Ug ang mga mamahimong eskolar adunay upat ka mga tulughaan nga pwede nilang pilian kini mao ang Surigao State College of Technology (SSCT) main campus, Malimono campus, Del Carmen Siargao Island campus ug Magpayang Mainit campus.

Alang sa dugang impormasyon mahitungod niining maong programa, makigkita lamang kang Ma. Andrea A. Mijares ang Local School Board officer sa probinsya.(Surigao del Norte-Provincial Information Center)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.