Market ordinances hugot nga gi-implementar sa merkado publiko sa Surigao

Ang buhatan sa City Public Market mingpadala ug report pinaagi na kang Juanita Cabania ang Market Supervisor III, OIC direkta sa opisina sa City Media Information and Communication Office bag-ohay pa lamang kabahin kini sa estrikto nga pag-implementar sa pipila ka mga city ordinances kalabot na sa inadlaw-adlaw nila nga operasyon.

Upat ka mga ordinansa ang ilang gibutyag kini mao ang, pagbawal pagpanigarilyo sulod sa merkado publiko ug sa bisan asang parte sulod sa merkado, pagbawal sa pag-pangihi ni bisan kinsa ug bisan asang dapita sulod sa merkado, pagbawal sa pagpamaligya ug dubok o daot nga mga isda ug karne, ug ang pagbawal sa pagpanikma sa bisan asang parte sulod sa merkado publiko.

Pipila lamang kini sa mga gipanghingusgan sa mga kadagkuan sa merkado publiko sa pagpangulo usab ni Mayor Ernesto Matugas nga maoy hugot nga nagmando sa permanente nga pagpasabot ug pagpahimangno sa mga tawo aron kini magmatngon.

Nakalatid usab sa maong report nga ang koleksyon sa Market Entrance Fee ug uban pa nga Market Revenue collection muagi o mupailawum na sa legal audit ug kini edeposito dayon sa ilang accredited bank.

Padayon usab sila sa pagmonitor sa kalimpyo sa atong palibot lakip na ang kalinaw ug kahapsay. Samtang si Mayor Matugas nalipay sa maong report ug nanghinaut nga kini magpadayun pa. (PIO-Surigao City/PIA-Surigao del Norte)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.