Mahigpit na pagbabantay sa seguridad ngayong Semana Santa, ipinatutupad sa Surigao City

Ipinatutupad sa Surigao City ang mahigpit na pagbabantay sa seguridad sa selebrasyon ng Semana Santa.

Ayon kay Police Senior Inspector Ruben Daraman, OIC ng Surigao City Police Station, simula pa noong Marso 29 hanggang sa Abril 4, ipinatutupad na nila ang Oplan Holy Week.

Sa naturang Oplan, nakasaad ang mga preparasyon at pagpapatupad nila ng pagbabantay sa iilang lugar sa lungsod.

Isa na dito ang paglalagay ng ilang naka-uniporme na mga pulis sa iba’t-ibang simbahan, mga bangko, pantalan, Bus and Jeepney Terminal lalo na sa mga checkpoints gaya sa Ceniza-Brgy. Cagniog, Brgy. Ipil, Brgy. Luna at kung saan-saan pa.

Diumano’y nakabantay sila laban sa masasamang loob na posibleng magsagawa ng masamang balak lalo na’t maraming mga tao sa ngayon.

Inihayag rin ni Police Chief Inspector Rudy Elandag ng PNP Prov’l Police Office, nakaalerto rin sila sa buong probinsiya.

Lalo pang dinagdagan ang mga pulis na inilagay sa iba’t-ibang bayan ng Surigao del Norte at pina-igting rin ang Police visibility nang masiguro at pananatili ang Peace and Order. (rmn)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.