Cebuano News: Nagpadayon nga 1st Gov. Robert Ace Barbers’ Cup madasigon nga Gisuportahan sa mga Kalungsuran

Puno sa kasadya ug kalamboan sa paugnat sa kusog ang dala sa mga kalungsuran sa nagpadayon karon nga 1st Gov. Robert Ace Barbers’ Cup Inter-Municipality Basketball Tournament – (Mainland Division).

Sa milabay na nga mga semana gikan sa pagbukas niini, ang matag lungsod nga misalmot sa maong torneyo kanunay gayud nagsunod kalabot na sa resulta niini.

Sa nasayran, ang mga kabatan-unan nga apil sa maong dula kanunany usab nga madasigon tungod sa ilang nakita nga dakong suporta nga gihatag kanila ni Gov. Barbers, mga mayors, ubang mga opisyal ug mga katawhan sa lungsod. Didto sa San Francisco diin didto gihimo ang ikaupat nga dula, dako ang kalipay sa tanang Basketball Teams sa libreng pagpakaon kanila ni Brgy. Captain Jerry Escabal ug iyang kapikas, Kagawad Levy Escabal sa Brgy. Oslao.

Sa maong dula, gikabutyag ni Lolong Lisondra ang Event Coordinator nga ang migawas nga mananaog sa 1st game mao ang Tagana-an nga may 90 puntos batok sa Sison nga may 79 puntos. Sa 2nd game mingdaog ang Malimono sa 87 puntos batok sa San Francisco nga 82 puntos lamang.

Ang sunod nga duwa pagahimuon sa lungsod sa Claver karong adlawa, Hunyo 10, 2009 diin magsangka ang Placer batok sa Tubod, ug sa 2nd game ang Claver batok sa lungsod sa Gigaquit. (PGO-Surigao del Norte Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.