Sunflower Production Seminar Pagahimoon sa Surigao City

Ania na ang mga pama-agi nga makadugang sa kinita-an sa mga kooperatiba. Ang SUNFLOWER PRODUCTION may usa ka paagi nga ang kooperatiba mokita ug halos P 78, 000.00 matag ani sa usa ka hektarya sulod sa ciento-singko (105) ka adlaw. Ug ang kooperatiba makatanum makatulo sa usa ka tuig ni-ini.

Agig dugang kahibalo sa Sunflower Production usa ka seminar ang pagahimo-on karon biernes. Hunyo 12 sa may alas otso sa buntag (8:00 a.m) diha sa Surigao Education Center Amphitheater ning dakbayan sa Surigao.

Ang kooperatiba nga maka-apil ni-ini nga Sunflower Seminar ma-oy htagan ug prioridad sa ipahulam sa Land Bank of the Philippines nga mokantidad ug P 33, 000.00 matag hektarya.

Adunay registration fee nga P 400.00 sa matag participante sa Seminar agig galastuhan sa pletihan sa eroplano sa duha ka speakers gikan sa Manila apil na ang ilang accommodation, meals and snacks sa mga participants ug uban pa nga galastuhan.

Pagahisgotan diha sa seminar ang supply sa binhi sa Sunflower, Fertilizer mga gamiton, marketing agreement contract, growing ug uban pa nga angay hibaloan sa buot moapil sa Sunflower Production.

Kini nga kalihukan gipasiugdahan sa Cooperative Union of the Philippines (CUP) inabagan sa Surigao del Norte Alliance of Cooperatives (SUDENACO) ug Provincial Cooperative Union (PCU).

“Usa kini nga kahigayonan nga dili angay pakyason sa mga kooperatiba” matod pa sa usa ka Chairman sa kooperatiba, “labi na ang mga agri-coop”, dugang pa niya. (Pol Lugo, SUDENACO)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.