Mga miyembro sa Responsible Parenting Movement mibista sa Surigao Norte

Dako ang kalipay sa tanang RPM-NFP o Responsible Parenting Movement – Natural Family Planning Advocates sa pag-abot nila sa opisina sa Gobernador niadtong miaging semana, dihang gisugat sila sa mga opisyales sa probinsya nga gipangunahan ni Vice-Governor Noel Catre

Ang maong grupo sa RPM-NFP nga nagsugod pa niadtong tuig 2007, mituyo ug bisita dinhi sa atong lalawigan arong pagsulong sa ilang adbokasiya pinaagi sa pagpahigayon sa ubay-ubay nga mga klase nga maghisgot sa mga tukma ug saktong pamaagi sa paggamit sa natural family planning method, pag-awhag sa mga inahan nga magpabreastfeed ug kung unsaon pagpalambo sa relasyon sa matag miyembro sa pamilya pinaagi sa gitawag nga responsible parenting nga pagahimuon sa matag barangay.

Dako usab ang kalipay sa mga miyembro sa maong organisasyon sa ilang nasayran nga daghan na nga mga managti-ayon ang mintambong ug mikooperar niining mga barangay classes nga ilang gipahigayon dinhi, ug ngani aduna nay grupo sa mga ginikanan o mga couples ang nahimo dinhi sa atong probinsya ug ilang gipaningkamutan nga modaghan pa ang mga miyembro niini aron nga kini mamahimong pederasyon.

Uban sa maong pagbisita mao ang Executive POPCOM Director nga si Mr. Tomas Osias, mga nagkadaiyang Regional Population Commission Directos ug usa ka RPM-NFP Group sa Tanay, Rizal.

Gipanghinaut sa pangagamhanan sa probinsya nga magpadayon ang gihatag nga dakong suporta sa mga katawhang Surigaonon sa maong programa aron nga ang matag pamilya makahatag gayud ug maayong kaugma-on diha sa ilang mga anak ug aron nga sila makaisatblisar sa usa ka malipayon ug hapsay nga panginabuhi-an. (PGO-Surigao del Norte Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.