Home » , , , , » Lungsod sa Malimono mapasalamaton kang Gov. Ace Barbers sa dala niini nga mga panirbisyo sa gipahigayon nga People’s Day

Lungsod sa Malimono mapasalamaton kang Gov. Ace Barbers sa dala niini nga mga panirbisyo sa gipahigayon nga People’s Day

Napaabot gayud ni Gov. Ace Barbers ang dakong tinguha niini nga iyang madala suod sa katawhan labi na sa mga hilit nga mga kabarangayan ang pangagamhanan sa probinsya pinaagi sa mga nagkadaiyang panirbisyo sa nagpadayon nga People’s Day, diin kagahapong adlawa, Hunyo 18, 2009 didto si Gov. Barbers sa Lungsod sa Malimono.

Uban usab sa Gobernador si Vice-Gov. Noel P. Catre, SP Members ug mga Department Heads. Sa maong kalihukan, nakita sa mga katawhan ang tiunay nga paghatag ug dekalidad nga panirbisyo sa pangagamhanan ubos sa liderato ni Gov. Barbers. Gibati usab sa mga lugsuranon ang paghatag kanila ug dakong bili ug pagtagad ni Gov. Ace, labi na nga gituyuan gayud sila sa pag-adto aron matino ang ilang kahimtang, uban ang mga opisyales sa probinsya ug mga Dapartment Heads alang sa ilang tanan nga mga gikinahanglan ug mga suliran kalabot sa ilang lungsod ug barangays.

Dako usab ang kalipay sa mga Barangay Health Workers sa usbaw sa ilang allowance nga gihatag ni Gov. Barbers, mga Barangay Kapitanes uban ang ilang mga opisyales nga nakapadayag sa ilang tagsa-tagsa ka mga hangyo ug sa ilang nadawat nga financial assistance, mga Senior Citizens, ug uban pang katawhan nga nakatagamtam sa libre nga medical mission nga may pagpanuli, dental, X-ray ug laboratory exams, papsmear sa mga kababainhan, libreng tambal ug konsultasyon, nahatagan sa mga Philhealth cards, food packs, palay & vegetable seeds, organic fertilizers ug pati usab sa mga deworming drugs alang sa mga kahayupan.

Gikalipay usab ni Gov. Ace Barbers ang mainiton nga pagdawat kanila sa mga lumulopyo sa Lungsod sa Malimono tungod sa gidaghanon sa mga tawo nga mintambong sa maong talagsaon ug mapahimuslanong kalihukan. Gipanghinaut sa Gobernador nga unta kining maong mga higayon makahatg ug dugang kadasig ug inspirasyon diha sa tanang katawhang Surigaonon aron sa ingon nga sila usab makahatag ug tabang nga bisan pa sa ginagmay, makatampo gihapon sa mga mas nanginahanglan nilang mga kaigsuonan. (PGO- Media Bureau)
Share:

No comments:

Popular Posts

Featured

The exciting lineup: 39th Bonok-Bonok Maradjaw Karajaw Festival Contingents Revealed!

Are you ready to be swept off your feet by an explosion of color, rhythm, and culture? The 39th Bonok-Bonok Maradjaw Karajaw Festival is jus...

Ads

Post your ADS here

Featured

Contact Us

Name

Email *

Message *

About Us

Your news and information authority

Categories

Blog Archive

Recent Posts

Copyright © SURIGAO Today | Powered by Blogger