Gob. Barbers gisiguro ang pagprotiher sa mga Kabataan; Provincial Search for Outstanding Municipal Council for the Protection of Children gilusad

Sa tumong ug tinguha ni Gob. Ace Barbers sa paghatag ug proteksyon sa mga kabataan, hugtanong gisuportahan ug gipatuman niya ang Provincial Search for Outstanding Municipal Council for the Protection of Children (MCPC), diin gisugdan ang pagevaluate sa mga kabataan sa mga kamunisipyuhan sugod sa bulan sa Marso hangtud sa Mayo.

Pinaagi sa maong lakang, gitinguha sa batan-ong Gobernador nga ang matag lungsod dinhi sa probinsya magmadasigon kanunay sa paghatag ug dakong bili sa mga kabatan-onan aron masiguro nga anaay ila mayo nga kaugmaon ug usab mamahimo sila nga dakung tabang sa ilang tagsa-tagsa ka katilingban.

Gidugang pa ni Gob. Barbers nga ang search makatabang usab sa pagpahugot sa pagpatuman sa mga balaudnon nga magprotiher sa mga kabataan, kay usa man kini nga mekanismo diin makita kung natuman ba gayud ang MCPC sa ilang mga tahas diha sa tagsa-tagsa nila ka mga lungsod.

Gibutyag ni Mrs. Catelo, ang hepe sa DSWD sa probinsya nga ang mga migula nga mananaug sa maong search mao ang lungsod sa Bacuag-1st place, 2nd – Mainit, 3rd-San Benito ug 4th place ang lungsod sa Tubod.

Dako ang kalipay ug pasalamat ni Gob. Barbers sa tanan nga misalmot sa maong kalihukan, ug iyang gipanghinaut nga magmakanunayon ang ilang suporta sa maong lakang aron ang mga kabataan mahatagan pa gayud ug dugang pagtagad sa katilingban labi na nga sila gayud ang mas nga nagkinahanglan ug tabang diha sa atong katilingban. (PGO-SdN Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.