Kong. Matugas migahin ug 25M alang sa Siargao district hospital

Human sa pagrelis sa 20milyones ni DOH Secretary Francisco Duque para pagpaayo sa Siargao District Hospital sa lungsod sa Dapa. Laing pondo na usab ang gihatag nga nagkantidad ug 15milyones ka pesos para dugang sa maong proyekto pinaagi na sa opisina ni Kongresista Francisco Matugas sa unang distrito sa Surigao del Norte.

Sa pakighinabi ngadto sa Kongresista, siya nagkanayon nga aduna na usab lain nga 10milyones ang isunod pagrelis para sa Siargao District Hospital ug mokabat na ngadto sa 45 milyones ka pesos ang maangkon para sa maong hospital.

Sumala pa ni Kong. Matugas usa kini sa iyang paningkamot para ang mga pasyenti dili na moadto sa laing hospital sama sa pagtabok sa Surigao City. Usa usab sa katuyohan sa maong hospital para sa mga bisita sama sa turista ug uban pa. Tungod sa iyang nakita nga ang isla sa Siargao ginadayo sa mga langyaw.

Gitinguha sa kongresista nga mahimong moderno ang mga gamit sa maong hospital para ikapasigarbo ngadto sa mga bisita hilabina sa mga pasyenti sa distrito uno. (Surigao Balita)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.