Mga Proyekto ni Gob. Ace Barbers sa inprastraktura mas gipalapdan pa alang sa kalamboan

Sa gihimo nga Provincial Development Council Meeting (PDC) dili pa lang dgay, mihimo ang maong konseho sa resolusyon sa pagpangulo ni Gov. Ace Barbers alang na sa mga proposed projects nga pagahimuon sa Philippine Ports Authority (PPA), diin dako ang kalipay sa mga Surigaonon hilabi na ang mga lumolupyo diha sa Siargao Bucas Grande Island sa ubay-ubay nga mga proyekto sa inprastraktura, particular na sa pagpalambo sa pipila nato ka mga port area dinhi sa probinsya alang na sa paghatag ug de kalidad nga serbisyo sa tanang katawhan.

Tungod sa dakong tinguha ni Gov. Ace Barbers nga makab-ot ang tinuod nga kalamboan ug pinaagi na usab sa pakigtambayayungay sa PPA, ang maong mga proposal molakip na sa mosunod:

1. Expansion of Lipata Port -30 M
2. Rehabilitation & Construction of Sta. Monica Port -40 M
3. Rehabilitation & Construction of Pilar Port -30 M
4. Construction of Exit Gate of Surigao City Port -3.1 M
5. Construction of New Port of Brgy. Jubang, Dapa -75 M
6. Dredging of Del Carmen Port - 50 M
7. Re-channeling of Brgy. Consolacion, Dapa -3 M
8. Re-channneling & Dredging of Dapa Port - 38 M


Nanghinaot si Gov. Ace Barbers nga mapatigayon gayud ug mamahimong malampuson ang maong mga proyekto pinaagi na sa hugot usab nga suporta nga ihatag sa Philippine Ports Authority. Gidugang pa sa Gobernador na sa makausa pa siya malaumon nga ang maong mga proposals sa nahisgutang mga lungsod makahatag usab ug dakong kalamboan sa ilang inadlaw nga panginabuhian. (PGO- Surigao del Norte Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.